കടലാസ്സു വീമാനം
വീണ്ടും വീണ്ടുമൊരു വീമാനം
ചോരയിറ്റിയ പൂവാടികൾക്കു മുകളിൽ,
കറുത്ത വനാന്തരങ്ങളിലൂടെ,
നീരുവറ്റിയ നീർക്കെട്ടും കടന്ന്
കൂട്ടിത്തുന്നിയ നാലു ചുമരുകളുടെ
ഓരം ചേർന്ന് പറക്കുമ്പോൾ....
--സുഭാഷ് പൊതാശ്ശേരി--
പാതിയ്ക്കപ്പുറം
പാതി കുറിച്ചിട്ട വരികൾ ഉമ്മറത്തു വന്ന് കൊഞ്ഞനം കുത്തുന്നു, ഇറങ്ങി കൂടെ വരാൻ യാചിച്ചു പരിഹസിക്കുന്നു വേലിപ്പുറത്തെ പൂചൂടാതെ നിന്ന ചെമ്പരത്തി- ത്തയ്യിന്നുമേളിലൂടെ തലനീട്ടി വിളിക്കുന്നു, തെല്ലുനേരം ചെവിയോർക്കുന്നു, കാലനക്കമില്ലെന്നറിയുന്നു. കാത്തു നിന്ന് മുഷിഞ്ഞ ശേഷിച്ച കവിതയും പിന്തിരിഞ്ഞു നടന്നു. നടന്ന് നടന്ന് നടവഴിക്കറ്റത്തെമ്പാടും നിഴലുകൾക്കൊപ്പം അലിഞ്ഞലിഞ്ഞില്ലാതെയായി. --സുഭാഷ് പൊതാശ്ശേരി--
Comments
Post a Comment